Աթաթուրքի դպրոցի տակ` հայկական գերեզման

Տարածաշրջան12:50, 09 Մայիս 2012

Աթաթուրքի դպրոցի տակ` հայկական գերեզման

Թուրքական «Դողան» (Dogan) լրատվական գործակալության տեղեկացմամբ` Թուրքիայի Քասթամոնու նահանգի Թաշքյոփրու շրջանում գտնվող Աթաթուրքի անվան միջնակարգ դպրոցի վթարային հենապատի փլուզումից հետո սկսված վերանորոգման շինաշխատանքների ժամանակ հայտնաբերվել է քարերով պատված գերեզման, որը, սակայն, չի արժանացել նրանց ուշադրությանը:

Թաշքյոփրուի երկու քաղաքացի, նկատելով, որ այդտեղ գերեզմանոց կա, գիշերը փորձել են փորել այն: Բնակիչների ահազանգից հետո ոստիկանները ձերբեկալել են նրանց` պատմական գերեզմանը վնասելու մեղադրանքով:

Թուրքիայի մշակույթի և զբոսաշրջության նախարարությունը ժամանակավորապես դադարեցրել է դպրոցի վերանորոգման աշխատանքները, մինչև որ պարզվի, թե արդյոք այդ տարածքը հնագիտական արժեք ունի:

Տեղի բնակչիները նշում են, որ դպրոցի այգու տարածքը երկար տարիներ առաջ եղել է հայկական գերեզմանատուն: Նրանց համոզմամբ` դպրոցի հենապատի տակ հայտնաբերված գերեզմանոցը ևս հայկական է: