Սարկոզիի պարտության պատճառը

Քաղաքական08:03, 11 Մայիս 2012

Սարկոզիի պարտության պատճառը

Ըստ թուրքական «Հաբերլեր» (Haberler) լրատվական կայքի` Թուրքիայի Գիրեսունի համալսարանի պրոֆեսոր Այգյուն Աթարը լրագրողների հետ հանդիպման ժամանակ անդրադարձել է Ֆրանսիայի նախկին նախագահ Նիկոլա Սարկոզիի պարտությանը: Աթարի դիտարկմամբ` Սարկոզիի պարտության պատճառը նախագահական ընտրություններում նրա ղեկավարած քաղաքական ուժի կողմից Հայոց ցեղասպանության ժխտումը քրեականացնող օրինագիծն էր:

Թուրք պրոֆեսորը համոզմունք է հայտնել, որ Սարկոզիի հետ կատարվածը դաս է եղել մյուս քաղաքական գործիչների համար, և այսուհետև Ֆրանսիայի ոչ մի քաղաքական գործիչ Սարկոզիի սխալը չի կրկնի:

Հիշեցնենք, որ Ֆրանսիայի նորընտիր նախագահ Ֆրանսուա Օլանդն իր նախընտրական քարոզարշավի ժամանակ հայերին խոստացել էր ընտրվելուց անմիջապես հետո ձեռնամուխ լինել Ֆրանսիայի Սահմանադրական դատարանի մերժած ցեղասպանությանժխտումը քրեականացնող օրինագծի անցկացմանը, Հայոց ցեղասպանության ճանաչումն առաջադրելու է որպես նախապայման Թուրքիայի եվրաանդամակցության համար:, Ցեղասպանության 100-րդ տարելիցին ընդառաջ աջակցել Փարիզում պետական միջոցներով Հայոց ցեղասպանության թանգարանի կառուցմանը: