Օլանդը կարող է նպաստել Ղարաբաղի հարցի լուծմանը

Քաղաքական09:44, 16 Մայիս 2012

Օլանդը կարող է նպաստել Ղարաբաղի հարցի լուծմանը

Թուրքիայում իշխող «Արդարություն և զարգացում» կուսակցության (ԱԶԿ-AKP) Անկարայի պատգամավոր Բյուլենթ Գեդիքլին «Salamnews»-ին տված հարցազրույցի ժամանակ անդրադարձել է ղարաբաղյան հիմնախնդրի կարգավորմանը: Նրա համոզմամբ` Ֆրանսիայի նորընտիր նախագահ Ֆրանսուա Օլանդը կարող նպաստել է Լեռնային Ղարաբաղի հարցում հայ-ադրբեջանական հակամարտության լուծմանը:

Գեդիքլին, ընդգծելով ԵԱՀԿ Մինսկի խմբի ջաքների ավելացման կարևորությունը ղարաբաղյան հիմնախնդրի լուծման համար, ասել է. «Որքան արագ կարգավորվի Լեռնային Ղարաբաղի հարցը, այնքան կարճ ժամանակում Հարավային Կովկասում կհաստատվի կայութնուն ու խաղաղություն: Ժամանակը ցույց տվեց, որ նախկին նախագահ Նիկոլա Սարկոզին հակամարտության արդարացի լուծմանը հարկ եղած կարևորությունը չտվեց: Հավատում եմ, որ նոր նախագահ Օլանդն ավելի մեծ ուշադրություն կհատկացնի այդ հիմանխնդրի լուծմանը»:

Թուրք պատգամավորը նաև նշել է, որ Ադրբեջանի հետ կապված իրադարձությունները միշտ էլ Թուրքայի ազգային մեծ ժողովի (ԹԱՄԺ-TBMM) օրակարգում են լինում ու այդպես էլ շարունակվելու է:

«Անկարան շարունակելու է ջանքեր գործադրել ղարաբաղյան հիմանխնդրի կարգավորման համար: Հարևան երկրների հետ լավ հարաբերություններ ունենալը Թուրքիայի արտաքին քաղաքականության առաջնահերթություններից է»,- ասել է Բյուլենթ Գեդիքլին: