Դավութօղլուի պատճառով Թուրքիան ձախողվել է

Տարածաշրջան12:45, 25 Մայիս 2012

Դավութօղլուի պատճառով Թուրքիան ձախողվել է

Ըստ թուրքական «Ջումհուրիյեթ» (Cumhuriyet) օրաթերթի` Թուրքիայում գլխավոր ընդդիմադիր ուժ հանդիսացող «Ժողովրդահանրապետական կուսակցությունը» (ԺՀԿ-CHP) խորհրդարանի նախագահությանը պահանջ է ներկայացրել խորհրդարանական հետաքննության ենթարկել արտգործնախարար Ահմեթ Դավութօղլուի վարած արտաքին քաղաքականությունը:

Ժողովրդահանրապետականները Դավութօղլուին մեղադրել են երկրի արտաքին քաղաքականությունը սխալ հունով տանելու մեջ: Նրանց հայտարարության մեջ մասնավորապես ասված է. «Դավութօղլուի պատճառով Թուրքիան շրջակա պետությունների կողմից մեղադրվում է և սպառնալիքների ենթարկվում: Հարևան երկրների հետ նոր խնդիրներ են առաջացել, անգամ պետարազմական դրության նախաշեմին հասել, երկիրը: Թուրքիան զրկվել է անկախ քաղաքականություն վարելուց, վտանգվել է ազգային անվտանգությունը»,:

Թուրք ընդդիմադիրները մասնավորապես նշել են, որ Անկարան Հայաստանի հետ արձանագրություններ ստորագրելով անհաջողության մատնեց հարաբերությունների կարգավորման գործընթացը և էլ ավելի փակուղային իրավիճակի մեջ գցեց: Զուգահեռաբար բացասական ազդեցություն ունեցավ թուրք-ադրբեջանական հարաբերությունների վրա: