Թուրքական բանակում այժմ կա 720.648 զինծառայող

Տարածաշրջան09:38, 01 Հունիս 2012

Թուրքական բանակում այժմ կա 720.648 զինծառայող

Թուրքիայի զինուժի գլխավոր շտաբի հրապարակած տվյալների համաձայն` թուրքական բանակում այժմ զինծառայության մեջ է գտնվում 720.648 մարդ, որոնցից 463.024-ը` ցամաքային, ռազմածովային և ռազմաօդային զորամիավորումներում, 199.386-ը` ժանդարմերիայում, իսկ 682-ը` ծովափնյա անվտանգության ուժերում:

Ցամաքային, ռազմածովային և ռազմաօդային զորքերում պաշտոնավարում է 327, ժանդարմերիայի հրամանատարական կազմում 33 և ծովափնյա անվտանգության ուժերում 2 գեներալ ու ծովակալ:

Նշվում է, որ տարբեր նշանակության զորքերի ընդհանուր սպայական կազմը բաղկացած է 39.593 զինվորականներից, որոնցից 33.539-ը ծառայում են ցամաքային զորքերում, 5.463-ը` ժանդարմերիայում և 591-ը` ծովափնյա անվտանգության ուժերում: Իսկ ենթասպայական կազմի ընդհանուր թիվը հասնում է 93.463-ի:

Թուրքական բանակն իր անձնակազմի թվով երկրորդն ՆԱՏՕ-ում ԱՄՆ-ի բանակից հետո: Փորձագետների գնահատմամբ` Թուրքիայի զգալի ժողովրդագրական ներուժը հնարավորություն է տալիս անհրաժեշտության դեպքում իրականացնել բոլոր զորատեսակների զինծառայողների հավելյալ մեծաթիվ համալրում` հավաքագրելով մինչև 18մլն մարդու։