Թուրքիան կդադարեցնի պատժամիջոցների կիրառումը Ֆրանսիայի դեմ

Քաղաքական07:37, 22 Հունիս 2012

Թուրքիան կդադարեցնի պատժամիջոցների կիրառումը Ֆրանսիայի դեմ

«CNNTurk» լրատվական ծառայությունը տեղեկացնում է, որ Անկարան դադարեցնելու է Փարիզի դեմ կիրառվող պատժամիջոցները: Այդ մասին հեռուստաեթերից հայտնել է Թուրքիայի արտգործնախարար Ահմեթ Դավութօղլուն: Նա նշել է Ֆրանսիայի նորընտիր նախագահ Ֆրանսուա Օլանդի պաշտոնավարության շրջանում ֆրանս-թուրքական հարաբերությունները բարելավելու Անկարայի որոշման մասին: Այդ նպատակով Թուրքիայի վարչապետ Ռեջեփ Թայիփ Էրդողանը հրահանգել է հանել Ֆրանսիայի դեմ կիրառվող պատժամիջոցները:

«Փարիզի կողմից ցուցաբերվող նոր վերաբերմունքի արդյունքում օրակարգից հանվելու են պատժամիջոցները: Ֆրանսիան և Թուրքիան երկկողմ հարաբերություններում առկա խնդիրները լուծելու համար բավականաչափ զորեղ»,- ըստ «` ասել է Դավութօղլուն:

Հիշեցնենք, որ Թուրքիայի վարչապետ Ռեջեփ Թայիփ Էրդողանը Ֆրանսիայի խորհրդարանի կողմից հայկական բանաձևի ընդունումից հետո հրապարակել էր Ֆրանսիայի դեմ կատարվելիք պատասխան գործողությունների ցանկը, որը կազմված էր 8 կետից:

1. Փարիզում Թուրքիայի արտակարգ և լիազոր դեսպանի հետկանչ:

2. Չեղյալ են հայտարարվում քաղաքական, ռազմական, ֆինանսական, տնտեսական, կադրերի փոխանակման և նմանատիպ այլ բնույթի համագործակցությունները:

3. Չեղյալ են հայտարարվում համատեղ զորավարժությունները:

4. Դադարեցվում են Ֆրանսիայի հետ ընթացող բոլոր քաղաքական խորհրդակցությունները:

5. Ֆրանսիակա ռազմական ինքնաթիռներն այսւոհետև ամեն թռիչքի պետք է առանձին-առանձին են թույլտվություն ստանան:

6. Եվրամիության հետ կազմվելիք նախագծերում չի ներառվելու Ֆրանսիայի հետ համագործակցությունը:

7. Այսուհետև մերժվելու են ֆրանսիական ռազմանավերի թուրքական նավահանգիստներ մուտք գործելու բոլոր դիմումները:

8. Էկոնոմիկայի նախարարների մասնակցությամբ 2012-ին ծրագրված Թուրքիա-Ֆրանսիա համատեղ տնտեսական ժողովին թուրքերը չեն մասնակցելու: