Իսրայելին ձեռնտու է հյուսիսիրաքյան քրդական պետությունը

Տարածաշրջան08:36, 10 Օգոստոս 2012

Իսրայելին ձեռնտու է հյուսիսիրաքյան քրդական պետությունը

Իսրայելի նախկին վարչապետ Իզաք Ռաբինի արտաքին քաղաքականության հարցերով խորհրդական, հետախուզության սպա Յաքիս Ներիահը Երուսաղեմում հրապարակել է մի զեկույցը, որը մտահոգել է թուրքերին:

Թուրքական «Դողան» (Dogan) լրատվական գործակալության տեղեկացմամբ` հիշյալ զեկույցում նշված է, որ Մերձավոր Արևելքում տեղի ունեցող իրադարձությունները հող են նախապատրաստում քրդերի ինքնորոշման իրավունքի իրացման համար: Ներիահը նկատել է տալիս, որ քրդերի ջանքերը Իրաքից հետո այժմ նպատակաուղղվել են Սիրիայի վրա: Հիշատակված է ժողովրդագիրների տվյալները, համաձայն որոնց, Թուրքիայում քուրդ բնակչության թիվը հասնում է 37 միլիոնի:

«Անհրաժեշտ է, որ Իսրայելն ուշադրություն ցուցաբերի ցանկացած երկրում առկա քրդական հարցին: Պատմական արդարությունը պահանջում, որ մերձավորարևելյան 22 արաբական երկրում գտնվող 35 մլն քրդերը ամենաքիչը մեկ պետություն ունենալու իրավունք ունեն»,- գրում է Ներիահը` շեշտելով, որ հյուսիսային Իրաքի քրդական ինքնավարությունը կարող է կարող է օգտակար լինել Իսրայելի աշխարհաքաղաքական շահերի համար: