Թուրք պաշտոնյա. Ալիջանի սահմանը պետք է բացվի

Տնտեսական09:51, 10 Սեպտեմբեր 2012

Թուրք պաշտոնյա. Ալիջանի սահմանը պետք է բացվի

Վանի նահանգի առևտրաարդյունաբերական պալատի (VATSO) գործադիր խորհրդի նախագահ Միրզա Նադիրօղլուն լրագրողների հետ հանդիպման ժամանակ ափսոսանք է հայտնել, որ Աղթամար կղզի ժամանածների մեջ քիչ են հայաստանցիները: Նա նաև նշել է, որ իրենք կարևորում են կղզու Սուրբ Խաչ եկեղեցում մատուցվող ամենամյա պատարագը, բայց իրենց ավելի շատ հետաքրքրում է հարցի տնտեսական կողմը:

«Տարվող աշխատանքները բավարա°ր են, իհարկե ոչ: Ալիջանի սահմանադուռը պետք է անպայման բացվի: Եթե այդ սահմանը բացվի, 2 ժամում կկարողանանք Վանից հասնել Հայաստան: Օրինակ եթե 2.000 մարդ գա այստեղ ու ամեն մեկը 1000 դոլար ծախսի, ապա նահանգի տնտեսություն կներմուծվի 2մլն դոլար: Դա էլ կվերակենդանացնի մեր տնտեսությունը»,- ասել է Միրզա Նադիրօղլուն:

Հիշեցնենք, որ սեպտմբերի 9-ին մատուցվել է պատարագ: Թանգարանի կարգավիճակով գործող Սուրբ Խաչ հայկական եկեղեցում տարին մեկ անգամ թույլատրվում է անցկացնել կրոնական արարողություն: Եկեղեցին կառուցվել է հայոց թագավոր Գագիկ Արծրունու պատվերով 915-921թթ։

Ermenihaber.am