Էրդողան մեղադրել է Գերմանիային և Ֆրանսիային քրդերին ֆինանսավորելու համար

Տարածաշրջան08:55, 28 Սեպտեմբեր 2012

Էրդողան մեղադրել է Գերմանիային և Ֆրանսիային քրդերին ֆինանսավորելու համար

Թուրքիայի վարչապետ Ռեջեփ Թայիփ Էրդողանը «NTV»-ի հեռուստաեթերից մեղադրել է Գերմանիային ու Ֆրանսիային «Քուրդիստանի բանվորական կուսակցությանը» (ՔԲԿ-PKK) աջակցելու համար: Ըստ նրա` Թուրքիայում քուրդ գրոհայինների ահաբեկչությանը վերջ դնել չի լինում, քանի որ առաջին հերթին Արևմուտքը չի ցանկանում դա: Էրդողանը

«Ես պարզ ասում եմ` Արևմուտքը չի ցանկանում: Գերմանիան և Ֆրանսիան չեն ցանկանում: Իրենց երկրներում ահաբեկիչներ են բուծում: Ֆինանսական աղբյուրները այնտեղ են: Սկանդինավյան երկրներն էլ մասնակցում են այդ ամենին: Ես հիմա այսպես բացեիբաց խոսում եմ, քանի որ նրանց երեսին էլ եմ ասել նույն բանը: Եվ ասում եք ահաբեկչական կազմակերպություն, և ձեր երկրներում ապաստան եք տալիս»,- ասել է Էրդողանը:

Նշենք, որ «ՔԲԿ»-ը ստեղծվել է 1978թ. Դիարբեքիրում: Հիմնադիրը քրդերի առաջնորդ Աբդուլլահ Օջալանն է (Ափո), ով այժմ ցմահ բանտարկված է Իմրալը կղզու թուրքական բանտում: «ՔԲԿ»-ն ավելի քան 3 տասնամյակ զինված պայքար է մղում թուրքական պետության դեմ` նպատակ ունենալով Թուրքիայի հարավ-արևելյան և Իրաքի հյուսիս-արևմտյան մասում հիմնել անկախ պետություն` Քուրդիստան: Թուրքիան, ԱՄՆ-ն, Եվրամիությունը «ՔԲԿ»-ը համարում են ահաբեկչական կազմակերպություն:

Ermenihaber.am