Բինալի Յըլդըրըմ. Հայկական օդանավը տեխնիկական վայրէջք է կատարել

Տարածաշրջան11:33, 15 Հոկտեմբեր 2012

Բինալի Յըլդըրըմ. Հայկական օդանավը տեխնիկական վայրէջք է կատարել

Թուրքիայի ծովային տրանսպորտի և հեռահաղորդակցության նախարար Բինալի Յըլդըրըմը լրագրողների հետ հանդիպման ժամանակ խոսել է Էրզրումում հարկադիր վայրէջք կատարած հայկական օդանավի մասին:

Ըստ «Radikal» լրատվականի` նախարարն ասել է, որ Սիրիա մեկնող հայկական այդ քաղաքացիական ինքնաթիռը տեխնիկական վայրէջք է կատարել Էրզրումում օդաչուի համաձայնությամբ ու ցանկությամբ:

«Սա է իրողությունը: Այս պահի դրությամբ տեղեկություն այսպիսին է: Ավիացիայում տեխնիկական վայրէջք հասկացությունը նշանակում է, որ օդաչուն ինչ-ինչ կարիքից ելնելով ստիպված է լինում վայրէջք կատարելն է: Էրզրումի օդանավակայանում օդաչուն վայրէջք կատարելու ցանկություն է հայտնել»,- ասել է Բինալի Յըլդըրըմը:

Թուրք նախարարը նաև նշել է, որ թեև երեկվանից սկսած Սիրայում գրանցված ինքնաթիռների առաջ Թուրքիայի օդային տարածքը փակվել է, նույն կերպ էլ Սիրիան է փակել, բայց հայկական ինքնաթիռի դեպքում այդ կանոները կիրառելի չեն եղել, քանի որ վերջինս տեխնիկական վայրէջք է կատարել: Տվյալ դեպքում ամեն երկիր էլ ստիպված է թույլ տալ վայրէջք կատարել, քանի որ խոսքը գնում է մարդկային և նյութական կորուստների վտանգի մասին:

Նշենք, որ Բինալի Յըլդըրըմի այս տեղեկությունը չի համապատասխանում իրականությանը, քանի որ Երևան-Հալեպ չվերթն իրականացնող «Էյր Արմենիա» ընկերության գործադիր տնօրեն Արսեն Ավետիսյանը Panorama.am-ին հայտնել է, որ մեկ շաբաթ առաջ թուրքական կողմի հետ պայմանավորվածություն է եղել օդանավի ուղեբեռը Թուրքիայի տարածքում ստուգելու վերաբերյալ: Իսկ հայկական կողմն էլ վայրէջքի և ուղեբեռի զննման համար նպատակահարմար է ընտրել Էրզրումի օդանավակայանը:

Ermenihaber.am