Դավութօղլուն խոսել է հայկական օդանավի մասին

Տարածաշրջան12:29, 15 Հոկտեմբեր 2012

Դավութօղլուն խոսել է հայկական օդանավի մասին

Տնտեսական համագործակցություն կազմակերպության (ECO) նախարարների ժողովին մասնակցելու նպատակով Բաքվում գտնվող Թուրքիայի արտգործնախարար Դավութօղլուն հանդիպել է լրագրողների հետ և անդրադարձել հայկական օդանավի թեմային:

Ըստ թուրքական «Sondakika» լրատվական կայքի` Թուրքիայի արտաքին գործերի նախարար Ահմեթ Դավութօղլուն լրագրողներին հայտնել է, որ Էրզրումում տեխնիկական վայրէջք կատարած հայկական քաղաքացիական ինքնաթիռի ուղեբեռում մարդասիրական օգնությունից բացի այլ բան չի հայտանաբերվել:

Դավութօղլուն այլ մանրամասներ է հայտնել թեմայի առնչությամբ: Ըստ նրա` հոկտեմբերի 10-ին Հայաստանից դիմել են Սիրիա մարդասիրական օգնություն տեղափոխելու թույլտվություն ստանալու խնդրանքով: Թուրքիան էլ միջազգային նորմերին համապատասխան կերպ է վարվել` համաձայնելով թույլտվություն տալ միայն իր տարածքում օդանավի տեխնիկական վայրէջք կատարելու պայմանով:

«Երկրորդ զննությունից հետո ինքնաթիռը կկարողանա շարունակել թռիչքը դեպի Սիրիա: Թուրքիան այսուհետև ևս երբեք չի խոչընդոտելու մարդասիրաիան բեռների տեղափոխումը Սիրիա»,- ասել է Դավուօղլուն:

Ermenihaber.am