Դևլեթ Բահչելին մեկնաբանել է հայկական օդանավի հարկադիր վայրէջքը

Քաղաքական11:10, 16 Հոկտեմբեր 2012

Դևլեթ Բահչելին մեկնաբանել է հայկական օդանավի հարկադիր վայրէջքը

Ինչպես հայտնում է թուրքական «Sondakika» լրատվական կայքը, Թուրքիայի 2-րդ ընդդիմադիր ուժ հանդիսացող «Ազգայնական շարժում» կուսակցության (ԱՇԿ-MHP) առաջնորդ Դևլեթ Բահչելին քննադատել է թուրքական իշխանությունների` հարևանների ինքնաթիռները հարկադիր իջեցնելու և ուղեբեռը զննելու գործելաոճը:

Նա մասնավորապես անդրադարձել է նախօրեին Էրզրումում հարկադիր վայրէջք կատարած հայկական քաղաքացիական ինքնաթիռի թեմային` ասելով.

«Այս և նման կանխարգելիչ միջոցառումները պետք է չափավոր և պատշաճորեն կատարվեն: Հարկավոր է խուսափել հակառակ կողմին վիրավորելու կամ նսեմացնելու երանգներ պարունակող գործողություններից: Ավելի ստույգ ասած` պետք է խուսափել հատկապես խնդրահարույց հարևանների թիվը ավելացնելուց, քանի որ Սիրիայի հետ արդեն ահավոր հարաբերություններ են, Իրանի հետ մակընթացություն ու տեղատվություն է և այլն»:

Դևլեթ Բահչելին նաև նշել է, որ հատկապես Ռուսաստանին կոնֆլիկտային ճակատ ներգրավելն ընդհանրապես չի բխում թուրք ժողովրդի ու թուրքական պետության շահերից:

Ermenihaber.am