Իրաքը Թուրքիային մեղադրում է իր նկատմամբ տարածքային նկրտումների մեջ

Տարածաշրջան11:25, 08 Հունվար 2013

Իրաքը Թուրքիային մեղադրում է իր նկատմամբ տարածքային նկրտումների մեջ

Իրաքի վարչապետ Նուրի Էլ Մալիքի ղեկավարած «իրավական պետություն դաշինքի» կարկառուն դեմքերից Աբդուլ էլ Հալիմ էլ Ռահիմին լրագրողներին ասել է, որ Թուրքիան տարածքային նկրտումներ ունի Իրաքի նկատմամբ: Ավելի ստույգ`աչքի տակ է առել Իրաքի Մոսուլ շրջանը:

Ըստ թուրքական «Դողան» (Dogan) լրատվական գործակալության` Էլ Ռահիմին Իրաքի Անբար նահանգում կազմակերպված հակակառավարական ցույցերի հետևում կանգնած է տեսնում Թուրքիային, Քաթարին և Սաուդյան Արաբիային:

«Այդ ցույցի ժամանակ Թուրքիայի վարչապետ Ռեջեփ Թայիփ Էրդողանի նկարներն են ծածանվում: Էրդողանի նպատակն Իրաքի որոշ քաղաքական ուժերի օգնությամբ Մոսուլը Թուրքիային միացնելն է»,- ասել է արաբ քաղաքական գործիչը` հավելելով, որ Էրդողանը տարված է Օսմանյան երբեմնի ազդեցությունը վերականգնելու հովերով:

Ըստ նրա` վերոնշյալ պետությունների եռյակը նյութական աջակցություն է ցույց տալիս խռովարար ուժերին և փորձում Իրաքում պառակտիչ իրադրություն ստեղծել:

Ermenihaber.am