Թուրքական մամուլ. Իսրայելցի հրահանգիչները կրթում են ադրբեջանական բանակը

Տարածաշրջան12:08, 22 Հունվար 2013

Թուրքական մամուլ. Իսրայելցի հրահանգիչները կրթում են ադրբեջանական բանակը

Թուրքական «Սոնդաքիքա» (Sondakika) լրատվականի հրապարակման մեջ նշվում է, որ Ադրբեջանը Իրանի և Իսրայելի միջև մղվող պայքարում դարձել է մրցակցության հարթակներից մեկը: Իսրայելա-ադրբեջանական ռազմական և տնտեսական հարաբերությունների ինտենսիվ զարգացումը մեկնաբանվում է որպես տարածաշրջանում Իրանին պարսպելու և զսպելու ջանք: 2007 և 2009 թվականներին Իսրայելի արտգործնախարար Լիբերմանի և նախագահ Պերեսի Բաքու կատարած այցերից հետո արձանագրվել է երկկողմ հարաբերությունների մակարդակը էական բարձրացում:

«Արդյունքը եղավ այն, որ 1992-ին Իսրայելի ու Ադրբեջանի միջև եղած 60-70 հազար դոլարի առևտրաշրջանառության ծավալը 2012-ին հասել է 4 միլիարդ դոլարի: Այդ իրավիճակն անհանգստացնում է Իրանին, որը փորձում է Ադրբեջանի հետ ունեցած պատմամշակութային կապերը օգտագործելով սերտ պահել հարաբերությունները:

Իսրայելն իր նավթային կարիքների կարևոր մասը հոգում է Ադրբեջանից ստացած էներգակիրների շնորհիվ: Իսկ Ադրբեջանն էլ Իսրայելից գնում է նորագույն տեխնոլոգիաներով արտադրված զինատեսակներ: Բացի այդ Իսրայելցի հրահանգիչները կրթում են ադրբեջանական բանակը:

Ermenihaber.am