Ստամբուլում նախատեսվում է կառուցել աշխարհի խոշորագույն օդանավակայանը

Տարածաշրջան11:30, 23 Հունվար 2013

Ստամբուլում նախատեսվում է կառուցել աշխարհի խոշորագույն օդանավակայանը

Այս մասին լրագրողների հետ հանդիպման ժամանակ հայտարարել է Թուրքիայի ծովային տրանսպորտի և հեռահաղորդակցության նախարար Բինալի Յըլդըրըմը: Նրա տեղեկացմամբ` Ստամբուլում նախատեսվում է կառուցել երրորդ օդանավակայանը, որը հավակնում է ուղևորասպասարկման ծավալներով խոշորագույնը լինել աշխարհում: Գործարկման առաջին փուլում կառուցվելիք օդանավակայանը նախատեսված է եղել, որ պետք է սպասարկի 100մլն ուղևորի, բայց Թուրքիայի վարչապետ Ռեջեփ Թայիփ Էրդողանի հրահանգով այդ թիվը բարձրացվել է 120 միլիոնի: Օդանավակայանը զբաղեցնելու է 3.500 հեկտար տարածք, շինությունը լինելու է վեցհարկանի: Շինարարությունը ստանձնող շինընկերությանը որոշելու համար ընթացիկ տարում հայտարարվելու է մրցույթ;

Թուրք նախարարը նաև նշել է, որ Փարիզը տարեկան 50մլն զբոսաշրջիկ ընդունելով 60մլրդ եվրո եկամուտ է ապահովում: Ըստ նրա` Ստամբուլի ներուժը պակաս չէ Փարիզից և Ստամբուլը, որպես 2020թ. Օլիմպիական խաղերը և Եվրոպայի ֆուտբոլի առաջնությունն անցնակցնելու թեկնածու քաղաք, պատրաստվում է շատ լրջորեն:

Ermenihaber.am