Սերբիայի նախագահը պաշտոնական այցով մեկնելու է Թուրքիա

Տարածաշրջան11:04, 01 Փետրվար 2013

Սերբիայի նախագահը պաշտոնական այցով մեկնելու է Թուրքիա

Սերբիայի նախագահ Տոմիսլավ Նիկոլիչը Թուրքիայի նախագահ Աբդուլլահ Գյուլի հրավերով փետրվարի 4-5 պաշտոնական այցով գտվելու է Թուրքիայում: Այս մասին հայտնում են Թուրքիայի նախագահական պալատից: Նշվում է, որ վերջին 5 տարվա մեջ այս երկու երկրների նախագահները հանդիպել են 5 անգամ և սերտացրել միջպետական հարաբերությունները:

Թուրքիայի նախագահական նստավայրի տարածած գրավոր հաղորդագրության մեջ մասնավորապես ասվում է.

«Հանդիպմանը քննարկվելու են Բալկանյան տարածաշրջանում կայունության, խաղաղության և անվտանգության մթնոլորտ ստեղծելու տեսանկյունից կարևոր նշանակության այս երկու երկների հարաբերությունները բոլոր բնագավառներում: Կարծիքներ են փոխանակվելու տարածաշրջանային և միջազգային հարցերի վերաբերյալ»:

Հաղորդագրությունում Սերբիան նշվում է որպես բարեկամ պետություն:

Անկարայում պետական այրերի հետ հանդիպումից հետո Ստամբուլում նախատեսվում է Սերբիայի նախագահի հանդիպումը Թուրքիայի գործարար շրջանակների հետ:

Ermenihaber.am