Թուրքիայում այլևս չեն արտադրվում ականակայուն մեքենաներ

Տարածաշրջան11:41, 06 Փետրվար 2013

Թուրքիայում այլևս չեն արտադրվում ականակայուն մեքենաներ

Թուրքական «Zaman» լրատվամիջոցը տեղեկացնում է, որ ականակայուն ռազմական մեքենաների արտադրությամբ զբաղվող «BMC» ընկերության 2.300 աշխատակից կուտակված աշխատավարձների չվճարման պատճառով հերթական անգամ գործադուլ է հայտարարել:

Արտադրության մեջ թերանալու համար Թուրքիայի «Ռազական արդյունաբերության խորհուրդը» 7մլն դոլարի տունգանք է ներկայացրել հիշյալ ընկերությանը: Թուրքիայի պաշտպանության նախարարության և «BMC» ընկերության միջև 2009-ի ապրիլին 300մլն դոլար արժողությամբ պայմանագիր էր կնքվել, համաձայն որի, պետք է արտադրվեր ու շահագործման հանձնվեր 1859 մեքենա: Բայց արտադրող ընկերությունը 2012 թվականին ընկել է ֆինասական ճգնաժամի մեջ և չի արտադրել հիշյալ խմբաքանակը:

«Ցավոք, 6 ամիս առաջվա պատմություն կրկնվում է. արտադրությունը դադարեցվել է, և հայտնի չէ, թե վաղն ինչ կլինի»,- ասել է ընկերութան Իզմիրի N1 մասնաճյուղի ղեկավար, մետաղագործ Հալիլ Իբրահիմ Թոսունը: «BMC» ընկերությունը բանվորներին պետք է վճարի մինչև 15 հազար թուրքական լիրա:

Ermenihaber.am