Յըլմազ. Իրանից Իսրայել արձակվող հրթիռը Թուրքիայից ոչնչացնելը տեխնիկապես անհնար է

Տարածաշրջան06:14, 06 Փետրվար 2013

Յըլմազ. Իրանից Իսրայել արձակվող հրթիռը Թուրքիայից ոչնչացնելը տեխնիկապես անհնար է

Թուրքական «Anadolu» (Անատոլիա) լրատվական գործակալության տեղեկացմամբ` Թուրքիայի պաշտպանության նախարար Իսմեթ Յըլմազը ՆԱՏՕ-ի ռազմական աջակցության շրջանակներում տրամադրվող հակաօդային պաշտպանության զենիթահրթիռային «Patriot» համակարգերի մասին որոշ պարզաբանումներ է տվել մեջլիսականներին:

Նախարարը նշել է, որ Գերմանիայից և Հոլանդիայից արդեն ստացել են «Patriot» համակարգերը, իսկ Միացյալ Նահանգներից ստանալու են այս շաբաթվա ընթացքում: Նախարարի խորհրդարանի անդամներին ասել է, որ հիշյալ զինտեխնիակն ՆԱՏՕ-ն տրամադրում է Թուրքիային, որպեսզի վերջինս կարողանա չեզոքացնել Սիրիայի արձակած բալիստիկ հրթիռները:

«Հակաօդային պաշտպանության այս համակարգերը ռադարների վրա թիրախավորելով հակառակորդի հրթիռները ի զորու է օդում ոչնչացնել դրանք: Այն արդյունավետ է գործում նաև անօդաչու թռչող սարքերի և ռազմական ինքնաթիռների հարձակման դեմ»,- մանրամասնել է Յըլմազը:

Խոսելով այն մասին, թե իրականում «Patriot» համակարգերը Թուրքիայում տեղադրվում են Իրանի հրթիռներից Իսրայելին պաշտպանելու նպատակով, թուրք նախարարը մասնավորապես նշել է հետևյալը.

«Դա չի կարող ճշմարտություն լինել, քանի որ Իրանից Իսրայել արձակվող հրթիռը Թուրքիայում գտնվող հենակետերից ոչնչացնելը տեխնիկապես անհնար է»:

Ermenihaber.am