Թուրքիայի իշխող կուսակցությունը քննադատել է ԱՄՆ դեսպանին

Տարածաշրջան11:04, 07 Փետրվար 2013

Թուրքիայի իշխող կուսակցությունը քննադատել է ԱՄՆ դեսպանին

Իշխանական «Արդարություն և Զարգացում» (ԱԶԿ-AKP) կուսակցության նախագահ, Ռեջեփ Թայիփ Էրդողանի օգնական Հուսեյին Չելիքը կոշտ արձագանք է տվել Անկարայում ԱՄՆ դեսպան Ֆրենք Ռիկարդիոննեի՝ Թուրքիայի դատաիրավական համակարգի վերաբերյալ հնչեցրած քննադատական խոսքերին:

Չելիքը հեռուստաեթերից անդրադարձել է այդ թեմային և խստորեն նշել. «Ռիկարդոնեն պետք է իր չափը ճանաչի»: Հիշեցնելով, որ ԱՄՆ դեսպանը պաշտոնավարման սկզբում դարձյալ հանդես էր եկել նմանատիպ քննադատական հայտարարություններով և ստացել վարչապետ Էրդողանի դիտողությունը, հետևյալ եզրակացությունն է արել:

«Փաստորեն, ողջ այս ընթացքում պարոն դեսպանն այդպես էլ չի հասկացել իր իրավասությունների սահմանը: Դուք դիվանագետ եք, և խնդրի էությանն ամբողջապես չտիրապետելով, ինչպե՞ս կարող եք մի երկրի ներքին գործերի կամ դատաիրավական համակարգի մասին նման դատողություններ անել: Ո՞վ է ձեզ այդպիսի իրավունք տվել: Վերջիվեջո սա Թուրքիայի ներքին խնդրին է»:

Էրդողանի օգնականը ամերիկացի դեսպանին հորդորել է նախևառաջ իրեն նայել, ապա նոր ուրիշներին դատել:«Դուք նախևառաջ աշխարհին պարզաբանում տվեք Գուանտանամոյի դեպքերի մասին»:

Ermenihaber.am