Դավութօղլու. «Չպետք է մի նոր Ղարաբաղ լինի»

Տարածաշրջան18:07, 18 Փետրվար 2013

Դավութօղլու. «Չպետք է մի նոր Ղարաբաղ լինի»

Նախօրեին Իրանի պետական հեռուստաընկերությունը հայտարարել էր, որ Իրանի Իսլամական Հանրապետության (ԻԻՀ) արտաքին գործերի նախարար Ալի Աքբար Սալեհին Եգիպտոսի և Թուրքիայի իր պաշտոնակիցների հետ ունեցած հեռախոսազրույցում քննարկել է Սիրիային առնչվող հարցեր: Իր հերթին Թուրքիայի արտգործնախարարը Թուրքիայի ազգային մեծ ժողովում (ԹԱՄԺ-TBMM) ունեցած ելույթի ժամանակ, անդրադառնալով վերոնշյալ զրույցին, ասել է.

«Իրանի արտաքին գործերի նախարարի հետ քննարկեցինք սիրիական հարցը, բայց համաձայնության չեկանք: Բայց պետք է նշել, որ «համաձայնության չենք գալիս» ասելով՝ չպետք է կասեցնել երկխոսությունը, ընդհակառակը` ճանապարհները պետք է բաց պահել»:

Թուրքիայի արտաքին քաղաքական գերատեսչության ղեկավարը նաև ասել է, որ իրենք Սիրիայում կարող են ստանձնել հումանիտար պատասխանատվություն, իսկ ահա քաղաքական մեղքը ՄԱԿ-ի Անվտանգության խորհրդինն է:

«Ժողովուրդն ում ընտրի, նա է Թուրքիայի բարեկամը: Եվրոպան էլ պետք է այդ մոտեցումը ցուցաբերի: Սիրիայի ժողովուրդը կարող էր չընդդիմանալ, բայց ընդիմացավ, այնպես չէ՞: Սա նշանակում է, որ հաշիվ տալու ժամը եկել է: Սիրիական ճգնաժամի սառեցումն ամենից վտանգավորն է: Չպետք է մի նոր Ղարաբաղ լինի»,- «Hurriyet»-ի տեղեկացմամբ` ասել է Դավութօղլուն:

Ermenihaber.am