Թուրքիայի հատուկ ծառայությունները պաշտպանության տակ են վերցրել Սիրիայի ընդդիմության առաջնորդներին

Տարածաշրջան09:31, 21 Փետրվար 2013

Թուրքիայի հատուկ ծառայությունները պաշտպանության տակ են վերցրել Սիրիայի ընդդիմության առաջնորդներին

Թուրքիայի ազգային հետախուզությունը (MİT) Սիրիայի ընդդիմության ղեկավարներին վերցրել է իր պաշտպանության տակ՝ մահափորձերից և առևանգման վտանգից զերծ պահելու համար: Այս մասին տեղեկացնող թուրքական «YENİ Şafak» օրաթերթը հայտնում է, որ ազգային հետախուզությունը ապահովում է ինչպես Ստամբուլում, գտնվող Սիրիայի ընդդիմադիր քաղաքական ուժերի առաջատար դեմքերին, այնպես էլ Հաթայ նահանգի սիրիացի փախստականների –ամբարում ապաստանած ընդդիմադիր զինուժի հրամանատարներին:

Սիրիայում սկսված քաղաքացիական պատերազմի հենց սկզբից Թուրքիայի ազգային հետախուզական ծառայությունը լծվել է ընդդիմադիր գործիչների պաշտպանության գործին: Իսկ վերջերս Հաթայում թուրք-սիրիական անցակետում կազմակերպված պայթյունից հետո, ավելի է խստացրել պաշտպանական կանխարգելիչ միջոցառումները: Նշվում է նաև, որ թուրքական հատուկ ծառայությունների պաշտպանության տակ գտնվող Սիրիայի «Ընդդիմադիր և հեղափոխական ուժերի ազգային կոալիցիայի» նախագահ Ահմեդ Մուազ Էլ Հաթիբի և մի շարք այլ կարևոր անձանց (շուրջ 50 հոգու) անվտանգության ապահովման համար ձեռնարկվում են բոլոր անհրաժեշտ միջոցառումները:

Ermenihaber.am