Լուծարվելու է Թուրքիայի Ազգային անվտանգության խորհուրդը

Տարածաշրջան09:00, 21 Փետրվար 2013

Լուծարվելու է Թուրքիայի Ազգային անվտանգության խորհուրդը

Խորհրդարանի սահմանադրական հաշտեցման հանձնաշողովի աշխատանքները արդյունք է տվել. Թուրքիայի ազգային մեծ ժողովում (ԹԱՄԺ-TBMM) ներկայացված չորս կուսակցությունների միջև հնարավոր է եղել ձեռք բերել ընդհանում համաձայնություն որոշ սահամանադրական բարեփոխումների հարցում:

Իշխող «Արդարություն և զարգացում» (ԱԶԿ-AKP), գլխավոր ըննդիմադիր ուժ հանդիսացող «Ժողովրդահանրապետական» (ԺՀԿ-CHP), «Ազգայնական շարժում» (ԱՇԿ-MHP) և քրդական «Խաղաղություն և ժողովրդավարություն» (ԽԺԿ-BDP) կուսակցությունները հավանության են արժանացրել բարեփոխումների հետևյալ ծրագիրը:

Երկրի զինված ուժերի Գլխավոր շտաբը (ԳՇ) նախատեսվում է կցել Պաշտպանության նախարարությանը (ՊՆ): Այս հարցի շուրջ քննարկումները երկար տարիներ արդյունք չէին տալիս: Գլխավոր շտաբի և Պաշտպանության նախարարության միացումով Ազգային անվտանգության խորհուրդը (ԱԱԽ) դառնում է ոչ սահամանադրական կառույց: Հետևաբար, ԱԱԽ-ն, ըստ օրենքի, կամ լուծարվելու է, կամ փոխելու է իր պարտականությունների ուղղությունը:

Վերոնշյալ կուսակցությունների համաձայնությամբ՝ զինված ուժերի «ազգային անվտանգության ապահովում» գործառույթը վերաշարադրվել է «ազգային պաշտպանություն»: Դա ենթադրում է, որ ներքին անվտանգության ապահովման գործառույթը դուրս է մղվում զինծառայողի պարտականությունների շրջանակից:

Ermenihaber.am