Թուրք նախարար. «Ես 1915-ին չեմ եղել»

Քաղաքական13:30, 22 Փետրվար 2013

Թուրք նախարար. «Ես 1915-ին չեմ եղել»

Թուրքիայի եվրաանդամակցության հարցերով նախարար Էգեմեն Բաղըշը Փարիզ կատարած դիվանագիտական այցից հետո օդանավակայանում հանդիպել է լրատվամիջոցների ներկայացուցիչների հետ և պատասխանել նրանց հարցերին:

Ըստ թուրքական «Sondakika» լրատվական կայքի` հարցերից մեկը վերաբերել է Հայոց ցեղասպանությանը: Նա նախ նշել է, որ Թուրքիան այդ հարցում բավականին ինքնավստահ է: Հիշեցրել է, թե ինչպես 2005-ին իրենց վարչապետը նամակ էր գրել Հայաստանի նախագահին` արխիները բացելու և բոլորն ուսումնասիրող պատմաբանների ակադեմիական միջազգային խումբ ձևավորելու կոչով:

«Ես 1915-ին չեմ եղել: Չկան այդ ժամանակվա վճիռ կայացնողներից և ոչ մեկը: Բայց կան արխիվները: Մեր արխիվները պարզ են ու հստակ: Ովքեր հակառակն են պնդում, թող բերեն իրենց պատմաբաններին, մասնագետներին, որոնք կաշխատեն մեր արխիվների վրա ու հետո կխոսենք»,- ասել է Բաղըշը` ընդգծելով, որ մինչև հիմա էլ պաշտոնական Անկարան կողմնակից է 8 տարի առաջ գրված վերոնշյալ նամակի բովանդակությանը:

Հիշեցնենք, որ ՀՀ այդ ժամանակվա նախագահ Ռոբերտ Քոչարյանը պատասխանել էր Էրդողանի նամակին: Պատասխան նամակում մասնավորապես ասված էր.

«Հարգելի պրն վարչապետ, ստացա Ձեր նամակը: Իսկապես որպես հարևաններ մենք պետք է փորձենք ուղիներ որոնել այժմ եւ ապագայում համերաշխ ապրելու համար: Այդ իսկ պատճառով հենց սկզբից մենք առաջարկել ենք հաստատել դիվանագիտական հարաբերություններ, բացել սահմանները եւ երկխոսություն սկսել երկու երկրների ու ժողովուրդների միջև: Աշխարհում, մասնավորապես եվրոպական մայրցամաքում, կան հարեւան երկրներ, որոնք ունեցել են դժվարին անցյալ, որի շուրջը տարակարծիք են: Սակայն դա նրանց չի խանգարում ունենալ բացսահմաններ, բնական հարաբերություններ, դիվանագիտական կապեր, ներկայացուցիչներ միմյանցմայրաքաղաքներում, եւ այդ բոլորով հանդերձ զուգահեռաբար քննարկել վիճելի հարցերը: Անցյալին անդրադառնալու Ձեր առաջարկը չի կարողարդյունավետ լինել, եթե չի անդրադառնում ներկային ու ապագային: Արդյունավետ երկխոսությանմեջ ներգրավվելու համար մեզ անհրաժեշտ է ստեղծել նպաստավոր եւ համապատասխանքաղաքական միջավայր: Երկկողմ հարաբերությունների զարգացման պատասխանատվությունըկրում են կառավարությունները, և մենք իրավասու չենք դա լիազորել պատմաբաններին: Ուստի մենք առաջարկել ենք և կրկին առաջարկում ենք առանց նախապայմանների մեր երկու երկրների միջև հաստատել բնական հարաբերություններ»:

Ermenihaber.am