Էրդողանը ձերբակալված զինվորականների գործով արտակարգ հանդիպում է գումարել

Տարածաշրջան09:06, 23 Փետրվար 2013

Էրդողանը ձերբակալված զինվորականների գործով արտակարգ հանդիպում է գումարել

Թուրքիայի վարչապետ Ռեջեփ Թայիփ Էրդողանը ահաբեկչական խմբավորման «Էրգենեքոն»-ի և պետական հեղաշրջման «Մեծ մուրճ» ծրագրի դատական գործերի քննարկման համար արտակարգ հանդիպում է գումարել, որին մասնակցել են Թուրքիայի զինված ուժերի Գլխավոր շտաբի պետ Նեջդեթ Օզելը և Արդարադատության նախարար Սադուլլահ Էրգինը:

Թուրքական «Yenişafak» օրաթերթի հաղորդմամբ՝ ամենշաբաթյա հերթական հանդիպումը վերածվել էր արտակարգ հանդիպման, քանի որ վարչապետ Էրդողանը և Գլխավոր շտաբի պետ Նեջդեթ Օզելն ավելի քան երեք ժամ քննակում են անցկացրել: Կառավարության շենքում կազմակերպված հանդիպման ժամանակ քննարկումը ծավալվել է «Էրգենեքոն» և «Մեծ մուրճ» դատավարությունների շրջանակներում ձերբակալված զինվորականների մասին:

Լրատվականը տեղեկացնում է, որ, ըստ իր ձեռք բերած տեղեկությունների, վերոնշյալ հարցերից բացի քննարկման օրակարգում եղել է նաև Թուրքիայի զինված ուժերի, հատկապես հատուկ նշանակության զորքերի վերաբերյալ հարցեր:

Ermenihaber.am