Թուրք նախարարի արտահայտությունը Թուրքիայում սպանված հայազգի զինվորի մասին քննադատվել է

Քաղաքական08:49, 25 Փետրվար 2013

Թուրք նախարարի արտահայտությունը Թուրքիայում սպանված հայազգի զինվորի մասին քննադատվել է

Թուրքիայի պետնախարար և եվրաանդամակցության բանակցություններում գլխավոր բանագնաց Էգեմեն Բաղըշը, Բաթմանի նահանգի հայկական եղեղեցում մասնակցել է Թուրքիայի զինված ուժերի Բաթմանի զորամասում թուրք զինվորի կողմից սպանված ժամկետային զինծառայող ազգությամբ հայ Սևակ Բալըքչըի հիշատակի արարողությանը:

Արարողությունից հետո Բաղըշը պատասխանելով լրագրողների հարցերին, ասել է.«Մեր Սևակ եղբայրը մեր երկրի միասնականության և ամբողջականության համար իր պարտականությունները կատարելիս «շեհիթ» (նահատակ) դարձավ»:

Բաղըշի այս արտահայտությունն առաջացրել է թուրքական մամուլի, մասնավորապես «Timeturk» լրատվական կայքի զայրույթը: Լրատվամիջոցը հրապարակել է «Բաղըշը հային էլ շեհիթ սարքեց» վերտառությամբ հեդված, որտեղ նշվում է, որ «շեհիթ» կոչվելու իրավունք ունեն միայն մահմեդականները:

«Ոչ թե հանուն պետության, այլ հանուն Ալլահի նահատակվածներն են շեհիթ կոչվում»,- ասվում է հոդվածում:

Հիշեցնենք, որ Սևակ Շահին Բալըքչըն սպանվել էր 2011թ. ապրիլի 24-ին: Նրան սպանած թուրք զինվոր Քըվանչ Աղաօղլուն այժմ ազատության մեջ է:

Ermenihaber.am