Թուրքիայի զինված ուժերում սկսված հրաժարականների պատճառը

Տարածաշրջան09:53, 25 Փետրվար 2013

Թուրքիայի զինված ուժերում սկսված հրաժարականների պատճառը

Թուրքիայի զինված ուժերում վերջին 3 տարում շուրջ 14 հազար զինվորական հրաժարականի դիմում է ներկայացրել: Նշյալ ցուցանիշը համարվում է ամենաբարձրը: Այս մասին տեղեկացնում է թուրքական «Habera» լրատվական կայքը:

Մամուլում այդ հրաժարականների մի շարք պատճառներ են շրջանառվում: Մասնավորապես նշվում է որ, զինվորական ծառայությունը չունի առաջվա հեղինակությունը, որոշների կարծիքով սպաների և ենթսպաների միջև խտրականություն է դրվում: Ահաբեկչական խմբավորման «Էրգենեքոնի» և պետական հեղաշրջման «Մեծ մուրճ» ծրագրի գործերով դատավարություններում որպես մեղադրյալ կամ կասկացյալ անցնող մեծ թվով պաշտոնաթող զինվորականների ներգրավվումը հենց համարվում է հրաժարականների գլխավոր պատճառներից մեկը:

Ամենից ուշագրավ պատճառը, սակայն, թուրքական զինված ուժերից հեռանալուց հետո հատուկ սեկտորի բարձր աշխատավարձ ստանալն է: Հատկապես ռազմական օդաչուները 3-5 թուրքական լիրայի փոխարեն հատուկ սեկտորում ստանում են 10.000 լիրա:

Ստորև ներկայացնենք թուրք զինվորականների աշխատավարձի չափերը`

բանակի գեներալ՝ 8.000 թուրքական լիրա

գնդապետ՝ 4.000 թուրքական լիրա

լեյտենանտ՝ 3.000 թուրքական լիրա

ենթասպա՝ 3.200 թուրքական լիրա

ավագ սերժանտ 2.200 թուրքական լիրա

սերժանտ 2.000 թուրքական լիրա

Նշենք, որ 1 դոլարը համարժեք է մոտավորապես 1.75 թուրքական լիրայի: