Մերկել. «Թուրքիայի ԵՄ-ին անդամակցելու համար դեռ երկար ճանապարհ պետք է անցնի»

Քաղաքական08:15, 26 Փետրվար 2013

Մերկել. «Թուրքիայի ԵՄ-ին անդամակցելու համար դեռ երկար ճանապարհ պետք է անցնի»

Թուրքիայում գտնվող Գերմանիայի կանցլեր Անգելա Մերկելը հանդիպում է ունեցել Թուրքիայի վարչապետ Ռեջեփ Թայիփ Էրդողանի հետ: Հանդիպումից հետո տեղի ունեցած մամուլի ասուլիսում Մերկելը և Էրդողանը պատասխանել են լրագրողների հարցերին:

Գերմանացի մի լրագրողի` Թուրքիայում ձերբակալված լրագրողների մասին հարցին ի պատասխան Էրդողանը հետևյալն է ասել. «Թուրքիայում մատների վրա կարելի է հաշվել, թե քանի լրագրող կա բանտերում և նրանց բանտարկության պատճառը իրենց հոդվածները չեն: Պատճառը կամ իրենց անդամակցությունն է ահաբեկչական կազմակերպություններին, կամ էլ այն, որ որոշների մոտ ապօրինի զենք է հայտնաբերվել:Անգլիայում էլ վերջին ժամանակներս 6 լրագրող ձերբակալվեց: 50 լրագրող էլ բանտերում է: Այս հարցերն էլ արդյո՞ք ուսումնասիրում եք» ասել է նա:

Խոսելով թուրք –գերմանական տնտեսական համագործակցութայն մասին Էրդողանը շեշտել է, որ Գերմանիան զբոսաշրջիկների քանակով շարունակում է մնալ առաջին տեղում Թուրքիայի զբոսաշրջային ոլորտում: «2012թ-ի վերջից մինչ այսօր 5 միլիոն զբոսաշրջիկ է այցելել Թուրքիա: Արտահանման հարցում նույնպես Գերմանիան առաջին տեղում, իսկ ներկրման հարցում 2-րդ տեղում է: Վերջին 10 տարվա ընթացքում Գերմանիան 5.5 միլիարդ դոլար ներդրում է արել: Գերմանիայում 70 հազ թուրք գործարար կա»,-ասել է նա:

Գերմանիայի կանցլերը, անդրադառնալով Թուրքիայի ԵՄ անդամակացությանը, ասել է. «Թուրքիայի ԵՄ անդամակցության հարցում մեր առջև դեռ երկար ճանապարհ կա»:

Ermenihaber.am