Վալերի Բուայեն` Ադրբեջանի մասին. «Մարդասպանին հերոսացնող պետության խոսքերին ինչպե՞ս կարող եք հավատալ»

Քաղաքական10:18, 26 Փետրվար 2013

Վալերի Բուայեն` Ադրբեջանի մասին. «Մարդասպանին հերոսացնող պետության խոսքերին ինչպե՞ս կարող եք հավատալ»

Ֆրանսիայի ԱԺ պատգամավոր Վալերի Բուայեն, ով Հայոց ցեղասպանության հերքումը քրեականացնող օրինագծի հեղինակն է, թուրքական «Ջիհան»(CHA) լրատվական կայքին հարցազրույց է տվել: Նա հարցազրույցում նշել է, որ Ֆրանսիայի սահմանադական խորհրդին ցեղասպանության ժխտումը քրեականացնող 2 նոր օրինագիծ է ներկայացրել և առաջարկել է այս խորհրդի աշխատանքները ուսումնասիրող մի հանձնաժողով ստեղծել:

Բուայեն, նշելով թե YouTube-ում իրեն ուղղված հայհոյանքներ պարունակող հարյուրավոր տեսանույթեր կան, ասել է. «Լավ է, որ թուրքերեն չեմ հասկանում, սակայն ֆրնասերեն սպառնալիքներ էլ եմ ստանում : Մի որոշ ժամանակ ստիպված եմ ապրել ոստիկանության հսկողության տակ: Նախկինում գնացել եմ Թուրքիա, սակայն այլևս չեմ գնա, եթե նույնիսկ կառավարությունը անվտանգության երաշխիքներ տա: Գիտակցում եմ, որ Թուրքիայում կյանքիս անվտանգությունը ապահովված չի լինի: Ինձ և ընտանիքիս վտանգի տակ չեմ դնի»:

Բուայեն հայտնել է, որ այդ սպառնալիքները իրեն չեն ստիպի հետքայլ անել և հույս ունի, որ Ֆրանսիայի ներկայիս նախագահը, ով այս հարցում Սարկոզիի հետ համակարծիք է, կկատարի Հայոց ցեղասպանության ժխտումը քրեականացնող նախագծի վերաբերյալ նախընտրական շրջանում տված խոստումները:

Ֆրանսիացի պատգամավորը, պատասխանելով «Ջիհանի» այն հարցին , թե Խոջալուի դեպքերի վերաբերյալ ինչ դիրքորոշում ունի ասել է. «Ադրբեջանը նավթի և փողի ուժով միջազգայն հանրությանը սխալ տեղեկություններ հրամցնում: Մարդասպանին հերոսացնող պետության խոսքերին ինչպե՞ս կարող եք հավատալ»:
Բուայեն նշել է, որ Ղարաբաղ այցելելու համար իրեն «պերսոնա նոն գրատա» են հայտարարել:

Հայտնելով, որ ինքը կտրականապես դեմ է Թուրիքայի `ԵՄ անդամակցությանը, Բուայեն ասել է, թե Թուրքիան ոչ աշխարհագրական ոչ էլ մշակութային տեսակետից ԵՄ մասը կազմել չի կարող:

Ermenihaber.am