Թուրքական բանակը կրկին ռմբակոծել է հյուսիսային Իրաքը

Տարածաշրջան10:24, 01 Մարտ 2013

Թուրքական բանակը կրկին ռմբակոծել է հյուսիսային Իրաքը

Թուրքական «Սաբահ» օրաթերթը հայտնում է, որ երկրի զինված ուժերն իրաքյան Քանդիլ շրջանում հարձակողական գործողություն են իրականացրել, որի հետևանքով զոհվել է «Քուրրդիստանի բանվորական կուսակցության» (ՔԲԿ-PKK) չորս գրոհային:

Ըստ ստացված տեղեկությունների՝ վերջին օրերին իրականացված ամենաընդգրկուն ռազմական գործողությունը տեղի է ունեցել փետրվարի 26-ին: Հարձակումներն իրականացրած Դիարբեքիրի ռազմական ինքնաթիռները ռմբակոծել են հյուսիսային Իրաքի Զափ, Քանդիլ և Գարե շրջանները: Նշվում է նաև, որ վերջին 2 ամսվա ընթացքում թուրք ուժայինները վնասազերծել են 35 քուրդ գրոհայինի:

Հիշեցնենք, որ 2012թ. դեկտեմբերի 31-ին Դիարբեքիր նահանգի Լիջե գավառում իրականացված գործողությունների ընթացքում սպանվել էր 10 զինյալ, որոնց մեջ էր նաև «Ժողովրդական պաշտպանության ուժերի» (ԺՊՈՒ-HPG) ռազմական խորհրդի անդամ Էրթեմ Քարաբուլութը: Հունվարի 7-ի գործողությունների հետևանքով սպանվել էր 14, իսկ հունվարի 14-ին 7 ՔԲԿ-ական:

Ermenihaber.am