Էրդողանը սիոնիզմն անվանել է մարդկության դեմ ուղղված հանցագործություն

Քաղաքական19:32, 02 Մարտ 2013

Էրդողանը սիոնիզմն անվանել է մարդկության դեմ ուղղված հանցագործություն

Օրերս Թուրքիայի վարչապետ Ռեջեփ Թայիփ Էրդողանը, անդրադառնալով հրեաների սիոնիստական գաղափարախոսությանը, այն բնութագրել էր որպես մարդկային դեմ ուղղված հանցագործություն:

Հիշեցնենք, որ Թուրքիայի վարչապետը Վիեննայում ՄԱԿ-ի համաժողովի շրջանակներում հայտարարել էր, թե «իսլամաֆոբիան պետք է նույնպիսի հանցագործություն համարվի մարդկության դեմ, ինչպես որ սիոնիզմը, հակասեմականությունն ու ֆաշիզմը»։

Ըստ «CNNTurk» լրատվականի` Իսրայելի վարչապետ Բենիամին Նեթանյահուն արձագանքել է Էրդողանի այդ արտահայտությանը` մասնավորապես ասելով. «Սրանք այն սխալ հայտարարություններն են ու այն մշուշն է, որ մենք կարծում էինք, թե մնացել են անցյալում»:

Թուրքիա մեկնած ԱՄՆ պետքարտուղար Ջոն Քերրիի պատվիրակության կազմում գտնվող ամերիկացի բարձրաստիճան մի պաշտոնյա կատարվածի մասին հետևյալ մեկնաբանությունն է տվել. «Սիոնիզմը մարդկության դեմ ուղղված հանցագործություն անվանելը շատ վիրավորական արտահայտություն է: Դա թուրք-ամերիկյան հարաբերությունների համար կարող է քայքայիչ ազդեցություն ունենալ»:

Ermenihaber.am