Թուրքիայի բանակում պաշտոնանկությունները շարունակվում են

Տարածաշրջան07:54, 06 Մարտ 2013

Թուրքիայի բանակում պաշտոնանկությունները շարունակվում են

Թուրքիայի զինված ուժերի (ԶՈՒ) Գլխավոր շտաբը հրապարակել է ԶՈւ անձնակազմին վերաբերող տվյալներ: Այդ հրապարակմանը մեծ նշանակություն է տրվում՝ հատկապես հունվար և փետրվա ամիսներին տեղի ունեցած մեծաթիվ հրաժարականներից հետո:

Մեկ ամսվա ընթացքում պաշտոնանկման դիմումի համաձայն` ԶՈՒ-ից հեռացվել է 1 ծովակալ, նավատորմի հրամանտար, ոստիկանության հրամկազմից` 4 սպա, իսկ ցամաքային, ռազմածովային և ռազմաօդային զորքերից՝ 123 սպա:

Նշվում է, որ հեռացվածների մեծ մասը, մոտ 100 հոգի, ռազմական օդաչուներ են, որոնք Թուրքիայի զինված ուժերից հեռացել են մասնավոր ընկերություններում աշխատելու նպատակով:

Անդրադառնալով ձմռան ընթացքում պաշտոնաթողության դեպքերին՝ նշվում է, որ 127 սպա և 288 ենթասպա հեռացվել է Թուրքիայի զինվորական համակարգից սեփական դիմումի համաձայն: Նույն ժամանակահատվածում սերժանտների թիվը, նոր անձնակազմի ընտրությամբ պայմանավորված, ավելացել է՝ հասնելով 823-ի:

Ermenihaber.am