Դավութօղլու . «Ցանկանում ենք Հունաստանի հետ հարաբերություններում նոր հորիզոններ բացել»

Տարածաշրջան08:07, 11 Մարտ 2013

Դավութօղլու . «Ցանկանում ենք Հունաստանի հետ հարաբերություններում նոր հորիզոններ բացել»

Թուրքական «Anadolu» լրատվական գործակալության տեղեկացմամբ` Թուրքիայի արտգործնախարար Ահմեթ Դավոիթօղլուն հունական «Քաթիմերի» թերթին տված հարցազրույցում անդրադարձել է թուրք –հունական հարաբերություններին:

Հայտնելով, որ Թուրքիայի և Հունաստանի միջև հարաբերությունները փոխվել են, Դավութօղլուն ասել է. «Ցանկանում ենք երկկողմ հարաբերություններում նոր հորիզոններ բացել: Մենք մեր կողքին հզոր, կայուն և բարեկեցիկ հարևան ենք ուզում տեսնել»:

Դավութօղլուն նշել է, որ Թուրքիան և Հունաստանը որոշ հարցում տարակարծիք են, իսկ երկու ժողովուրդների միջև տարաձայնությունները առավելապես հոգեբանական բնույթի են:

«Եթե հոգեբանական խոչընդոտները հաղթահարվեն, բոլոր հարցերն իրատեսական ճանապարհով կլուծվեն: Երբ առկա են հոգեբանական խոչընդոտներ, տրամաբանական և իրատեսական լուծումներ հնարավոր չէ գտնել: Եվ նույնիսկ ամենափոքր հարցերը, որոնց հանդեպ երկրները զգացմունքային և անտրամաբանական մոտեցում կդրսևորեն, պատերազմի պատճառ կարող են դառնալ»,-եզրափակել է Թուրքիայի արտաքին քաղաքական գերատեսչության ղեկավարը:

Ermenihaber.am