Անկախ Քուրդիստանը չեղյալ հայտարարվեց

Տարածաշրջան16:28, 22 Մարտ 2013

Անկախ Քուրդիստանը չեղյալ հայտարարվեց

Թուրքական «Էն Թե Վե» թերթը նախօրեին Նովրուզի տոնակատարության ժամանակ կարդացված Աբդուլլահ Օջալանի ուղերձում արված զենքերը վայր դնելու կոչին հաջորդելիք զարգացումների մասին փորձել է պարզաբանումներ ստանալ լրագրող, գրող Ջենգիզ Չանդարից: Չանդարը, ով ավելի քան 30 տարի ուսումնասիրում է քրդական քաղաքականությունը, այսպես է գնահատել կատարված իրողությունը.

«Անկախ Քուրդիստանը չեղյալ հայտարարվեց:

Եթե խոսքերին միակողմանի հայացք նետենք, բուն իմաստը չենք հասկանա:

Եթե նույնիսկ անկախ Քուրդիստանի մասին պատկերացում կար, ինչն ասելելով հասկացվում էր, որ Թուրքիայի տարածքից պետք է մի որոշ մաս առանձնացվեր ու դրա վրա ստեղծվեր Քուրդիստան, ապա այդ ելույթից հետո նմանատիպ բոլոր պատկերացումները հօդս են ցնդում:

Այդպիսի բան չի լինի:

Օջալանի կողմից պոետիկ շեշտադրումով արված «Եփրատ և Տիգրիս գետերը, Սաքարյա և Քըզըլըրմաք գետերի եղբայրներն են», «Աղրը (Արարատ) և Ջուդի լեռները Էրջիյես և Քաչքար լեռների եղբայրներն են» արտահայտությունները Թուրքիայի տարածքային ամբողջականության օգտին են: Դրանք մերժում են հող բաժանելու , հող ստանալու և այդ հողերի վրա ազգային պետություն ստեղծելու գաղափարը»:

Ermenihaber.am