Անկարայում իրականացված վերջին պայթյունների առնչությամբ ձերբակալություններ են կատարվել

Տարածաշրջան16:17, 22 Մարտ 2013

Անկարայում իրականացված վերջին պայթյունների առնչությամբ ձերբակալություններ են կատարվել

Թուրքիայի մայրաքաղաք Անկարայում Արդարադատության նախարարության և կառավարող կուսակցության`ԱԶԿ-ի (Արդարություն և զարգացում կուսակցություն) գլխավոր շենքի վրա կատարված ռմբահարման առնչությամբ Անկարայի ահաբեկչության դեմ պայքարի վարչության ջոկատների կողմից 14 հասցեներում միաժամանակ գործողություն է կազմակերպվել:

Թուրքական «Փոսթա» թերթի հաղորդմամբ բոլոր 14 հասցեները կապված են եղել «ԺՓՀԿ-Ճ»-ի (Ժողովրդի փրկության հեղափոխական կուսակցություն-ճակատ) հետ, որը և իր վրա էր վերցրել պայթյունների պատասխանատվությունը: Հաղորդվում է, որ որոնողական գործողության արդյունքում, որին մասնակցել են նաև հատուկ ջոկատայինները, առայժմ կա մեկ ձերբակալված:

Նույն թերթի հաղորդմամբ երկու օր առաջ Ստամբուլի ահաբեկչության դեմ պայքարի վարչության ջոկատների կողմից կազմակերպված գործողության ժամանակ «ԺՓՀԿ-Ճ»-ի հետ կապված որոշ հասցեներում ևս ձերբակալություններ են կատարվել: Ձերբակալվածները երեկ ուղարկվել են Ստամբուլի արդարադատության պալատ: Դատախազության կողմից հարցաքննության ենթարկված 13 կասկածյալներից 10-ը ձերբակալման պահանջով դատարան են ուղարկվել:

Ermenihaber.am