Էրդողանը թուրք ազգայնականների մասին

Քաղաքական09:34, 23 Մարտ 2013

Էրդողանը թուրք ազգայնականների մասին

Թուրքիայի վարչապետ Ռեջեփ Թայիփ Էրդողանը հանդիպել է իր ղեկավարած «Արդարություն և զարգացում» կուսակցության ( ԱԶԿ- AKP) նահանգային կառույցի ղեկավար կազմի հետ: Հանդիպման ժամանակ Էրդողանը խոսել է մարտի 19-ին Անկարայում Արդարադատության նախարարության շենքի, ինչպես նաև «Արդարություն և զարգացում» կուսակցության մասնաշենքի վրա կատարված հարձակման մասին:

Ըստ թուրքական «Հաբեր ա» լրատվական կայքի` թեմայի շրջանակներում Էրդողանն անդրադարձել է Թուրքիայի ընդդիմադիր 2 խոշոր «Ժողովրդահանրապետական» (ԺՀԿ- CHP) և «Ազգայանական շարժում» (ԱՇԿ-MHP) կուսակցություններին:

ԱՇԿ-ի վերաբերյալ Էրդողանը ասել է. «ԱՇԿ-ն իրեն պատեպատ է տալիս միայն թե ահաբեկչությունը չդադարի, ահաբեկչության խնդիրը մնա մեր երկրի օրակարգում, քանի որ եթե այս խնդիրը վերանա, ԱՇԿ-ն կզրկվի իր կապիտալից: Այն պահից, երբ ահաբեկչությունը դադարի ԱՇԿ-ն նույնպես կդադարի, և իր ձեռքում շահագործման որևէ մեխանիզմ չի մնա»:

Այս համատեքստում երկու կուսակցությունների հիշատակումը ուշագրավ է, քանի որ Անկարայում տեղի ունեցած հարձակումներից հետո ԱԶԿ-ականները բազմիցս նշել էին, թե իրենք գիտեն` ովքեր են կանգնած միջադեպի հետևում: Ըստ Էրդողանի կուսակցության անդամնների` հարձակումները կազմակերպել են նրանք, ովքեր չեն ուզում որ քրդական խնդիրը լուծում ստանա:

Ermenihaber.am