Պատմական ներողության իսրայելական պայմանը

Տարածաշրջան19:18, 25 Մարտ 2013

Պատմական ներողության իսրայելական պայմանը

Միջերկրական ծովում Իսրայելական զինված ուժերի կողմից բացած կրակի հետևանքով թուրքական «Մավի Մարմարա» նավի վրա 9 թուրքերի մահվան կապակցությամբ Իսրայելի`Թուրքիայից խնդրած ներողությունը շարունակվում է ամենատարբեր մակարդակներում արձագանքներ գտնել: Այս թեմայով Իսրայելի նախագահ Շիմոն Պերեսը մեկնականություններ է տվել թուրքական Հյուրիյեթ թերթին: Պերեսը, հիշեցնելով թուրք-հրեական դարավոր հարաբերությունների մասին, չի մոռացել նշել, Թուրքիան Իսրայելի անկախությունը ճանաչած առաջին մուսուլմանական պետությունն է: Պերեսը հայտարարել է, որ «Մավի Մարմարան» արդեն անցյալ է, իսկ անցյալը հնարավոր չէ փոխել:

Իսրայելի նախագահը երկու երկրների միջև եղած լարվածությանը վերջ դնելու Իսրայելի պայմանն այսպես է ձևակերպել. «Գազայի կողմից Իսրայելին հարվածելուն վերջ դնել: Գազայում ունեցած մեր դիրքերը մենք ինքնակամ ենք թողել: Իսրայելը Գազայի ազատության համար 2 միլըարդ դոլար է ծախսել: Այս ամենից հետո շարունակվում է Իսրայելի ուղղությամբ հրթիռներ արձակել, որոնց թիվը 7000-ի է հասել: Մենք չենք ուզում մտնել Գազայի տարածք, միայն աշխատում ենք կանխել մաքսանենգ զենքի մուտքն այնտեղ»:

Խոսելով Թուրքիայի վարչապետի Գազա նախատեսվող այցի մասին` Պերեսը հայտարարել է, որ իրենք նման այցերի դեմ ոչինչ չունեն` հիշեցնելով, որ ավելի վաղ այլ երկրների ղեկավարներ էլ են այցելել այնտեղ, ինչպես Քաթարի միապետը:

Ermenihaber.am