ՔԲԿ-ի զինյալները իրենք կորոշեն Թուրքիայից դուրս գալու ճանապարհները

Տարածաշրջան15:26, 26 Մարտ 2013

ՔԲԿ-ի զինյալները իրենք կորոշեն Թուրքիայից դուրս գալու ճանապարհները

Թուրքական «Փոսթա» թերթը, հղում անելով Քուրդիստանի բանվորական կուսակցությանը մոտ կանգնած աղբյուրների, հերքում է շրջանառության մեջ մտած այն տեղեկությունները, ըստ որոնց Թուրքիայի լեռներում գտնվող քուրդ զինյալները արդեն սկսել են դուրս գալ երկրից:

Ըստ թերթի` աղբյուրը նշել է, որ տարհանման ժամանակ ՔԲԿ-ականները ոչ թե ռացիայով կամ հեռախոսով են կազմակերպելու գործընթացը, այլ ղեկավարվելու են ՔԲԿ-ի կենտրոնը համարվող Քանդիլ քաղաքից եկող գրավոր ցուցումով: Ցուցումը ստանալուց հետո ՔԲԿ-ի ղեկավարները կկազմակերպեն զինյալների փոքր խմբերի կենտրոնացումը Թուրքիայի 4 շրջաններում` կազմելով 4 հիմնական ճամբար: Ըստ աղբյուրի` վերոնշյալ կենտրոնացումից հետո զինյալները իրենք են որոշելու թե ինչ ճանապարհներով, քանի հոգանոց խմբերով ու ինչպես կազմակերպել երկրից դուրս գալու գործընթացը: Աղբյուրը նշում է նաև, որ զինյալների երկրից դուրս գալու գործընթացը կիրականացվի հնարավորինս աննկատ ու գաղտնի. տեղյակ կլինեն միայն համապատասխան կառույցները:

Նշվում է, որ տարբեր շրջաններում տարբեր ժամանակահատվածում իրականացվելիք գործընթացն ամբողջությամբ կավարտվի աշնանը:

Ermenihaber.am