Դավութօղլու. «Թուրքիան ճանաչում է Վրաստանի տարածքային ամբողջականությունը»

Տարածաշրջան08:44, 28 Մարտ 2013

Դավութօղլու. «Թուրքիան ճանաչում է Վրաստանի տարածքային ամբողջականությունը»

Պաշտոնական այցով Վրաստանում գտնվող Թուրքիայի արտաքին գործերի նախարար Ահմեթ Դավութօղլուն հանդիպել է վրացի գործընկեր Մայա Փանջիկիձեի հետ:

Ըստ Թուրքական «Հաբեր3» լրատվական կայքի` նախարարների դռնփակ հանդիպմանը հաջորդել է համատեղ մամուլի ասուլիս, որտեղ Դավութօղլուն հայտնել, էր որ Թուրքիան ճանաչում է Վրաստանի տարածքային ամբողջականությունը:

«Մենք միշտ կարևորել ենք Վրաստանի տարածքային ամբողջականությունը և այնտեղի ժողովուրդների եղբայրաբար, կողք կողքի ապրելու փաստը: Աբխազիայի հարցում էլ միշտ այս դիրքորոշմանն ենք եղել: Թուրքիայում և վրացական, և աբխազական շատ ուժեղ համայնքներ կան : Ուստի մենք մշտապես պաշտպանել ենք այն տեսակետը, որ այս հարցը պետք է լուծվի Վրաստանի տարածքային ամբողջականության շրջանակներում` փոխըմբռնման և բանակցություննների ճանապարհով»,-ասել է Թուրքիայի արտաքին քաղաքական գերատեսչության ղեկավարը:

Ermenihaber.am