Թուրքերն անհանգստացած են հայերի գործողություններից

Քաղաքական08:52, 28 Մարտ 2013

Թուրքերն անհանգստացած են հայերի գործողություններից

Հայոց ցեղասպանության 98-րդ տարելիցի կապակցությամբ Իսրայելի հայերի «Արարատ» միությունը դիմել է երկրի մտավորականությանը` հորդորելով կոչ անել իսրայելական իշխանություններին հետևել բազմաթիվ երկրների օրինակին և ճանաչել Հայոց ցեղասպանությունը:

Սա թուրքական շրջանակներում առաջացրել է անհանգստություն, որը նկատվում է լրատվամիջոցների հրապարակումներից: Մասնավորապես «turkishny» կայքը Իսրայելում Հայոց ցեղասպանության ճանաչման և դատապարտման այդ նախաձեռնությունը որակել որպես թուրք-իսրայելական հարաբերությունների կարգավորումը վիժեցնող քայլ հայերի կողմից: Հոդվածագիր Իբրահիմ Այդողանը հայկական լոբբիստական ուժերի գործողությունն անվանել է սաբոտաժ:

«Ենթադրվում է, որ եթե Իսրայելի հայկական լոբբինգի ճնշման արդյունքում Ցեղասպանության բանաձև հայտնվի Քնեսեթի օրակարգում, ապա Իսրայելի վարչապետ Նեթանյահուի խնդրած ներողությունից հետո նոր-նոր վերականգնվել սկսող թուրք-իսրայելական հարաբերություններում դարձյալ լարվածություն կառաջանա»,- գրում է Այդողանը:

Ermenihaber.am