Թուրքիայի նախագահը` քրդերի զինաթափման մասին

Տարածաշրջան07:31, 28 Մարտ 2013

Թուրքիայի նախագահը` քրդերի զինաթափման մասին

Թուրքիայի նախագահ Աբդուլլահ Գյուլը Կամերունի նախագահ Փաուլ Բիյայի հետ Չանքայա պալատում ունեցած պաշտոնական հանդիպումից հետո պատասխանել է լրագրողների հարցերին: Թուրքիայի ներքաղաքական օրակարգում հայտնված քրդական հարցի կարգավորման շուրջ ընթացող քննարկումների վերաբերյալ Գյուլը հետևյալն է ասել. «Հիմա մենք մասնակից ենք պատմական կարևոր մի գործըթացի: Թուրքիայի համար շատ կարևոր քրդական հարցը լուծելու և օրակարգից հանելու մասին բազմազան առաջարկներ և ուշագրավ հանգամանքներ կան: Կարծիքների փոխանակում է տեղի ունենում: Այդ ամենը նորմալ եմ: Միայն թե անհրաժեշտ է հասարակության ներսում վերստին ամրապնդել եղբայրությունը, խաղաղությունը, հանգստությունը»:

Նշված նպատակին հասնելու համար Թուրքիայի նախագահը պարտադիր պայման է համարել քրդերի լիակատար զինաթափումը, այլապես եթե նրանց ուժային միջոցներով հեռացնեն Թուրքիայից, եղբայրության ու խաղաղության իմաստը կորելու է:

«Պետք է այս ամենում հետևողական լինենք և կարողանանք ողջամտություն դրսևորել,- ընդգծել է Գյուլը: - Մենք թույլ չենք տա որևէ ոտնձգություն` ուղղված մեր միասնականությանը և ամբողջականությանը»:

Ermenihaber.am