Թուրքիայի վերջնագիրը Եվրամիությանը

Տարածաշրջան08:37, 28 Մարտ 2013

Թուրքիայի վերջնագիրը Եվրամիությանը

Թուրքիայի Էկոնոմիկայի նախարար Զաֆեր Չաղլայանը թուրքական «Հյուրրիյեթ» պարբերականին տված հարցազրույցում, նշել է, որ Թուրքիան, որպես Եվրամիության (ԵՄ) Մաքսային միության անդամ, ավելի շատ տուժում է, քան շահում:

«Դանակը ոսկորին է հասել: 1995 թվականին, երբ մեր կառավարությունը ստորագրեց ԵՄ Մաքսային միությանը անդամակցելու պայմանագիրը, կարևոր քայլ և միաժամանակ նաև մի մեծ սխալ արեց: Բանն այն է, որ Թուրքիան միակ երկիրն է, որ չլինելով ԵՄ անդամ , ԵՄ Մաքսային միության անդամ է: Սակայն Մաքսային միության որոշում կայացնող մարմնի անդամ չէ: Այսինքն Մաքսային միության`ԵՄ անդամ չհանդիասցող երկրների հետ կնքած պայմանագրերը, ինքնաբերաբար մենք էլ ենք կնքում: Ստացվում է, որ անդամ չհանդիասցող երկրները , որոնք ունեն պայմանագրեր Մաքսային միության հետ, Թուրքիային ապրանք վաճառելիս մաքսային հարկերից ազատվում են: Բայց Թուրքիան, քանի որ ԵՄ անդամ չէ, այդ երկրներին ապրանք վաճառելիս անցնում է հարկային բոլոր գործընթացներով և ծանր հարկերի առաջ է կանգնում»,-ասել է Չաղլայանը:

Թուրք նախարար հայտնել է , որ այս առնչությամբ Թուրքիան որոշակի պայմաններ է դրել ԵՄ-ի առաջ. «Մենք կոչ ենք անում ԵՄ-ին` կամ մնում ենք Մաքսային միությունում և հանվում է վիզային ռեժիմը և մեր ապրանքների քվոտան, կամ էլ Մաքսային միությունից դուրս ենք գալիս և մեզ հետ ազատ առևտրի պայմանագիր կնքեք»:

Ermenihaber.am