Թուրքիան 2012թ. ունեցել է 2.2 %-անոց տնտեսական աճ

Տնտեսական09:06, 01 Ապրիլ 2013

Թուրքիան 2012թ. ունեցել է 2.2 %-անոց տնտեսական աճ

Թուրքիայի ֆինանսների նախարար Մեհմեթ Շիմշեքը գրավոր հայտարարություն է տարածել այն մասին, որ Թուրքիան ոչ նպաստավոր հանգամանքներում 2012 թվականին ունեցել է 2.2 տոկոսանոց տնտեսական աճ: Ոչ նպաստավոր հանգամանքներ են համարվում տարածաշրջանում աշխարհաքաղաքական լարվածությունը, էներգակիրների բարձր գները, համաշխարհային տնտեսության զարգացման դանդաղ տեմպերը, Թուրքիայի ամենամեծ առևտրային գործընակեր ԱՄՆ-ի տնտեսական ճգնաժամի խորացումը և այլն:

Ըստ թուրքական «NTV»-ի` նախարարը տեղեկացրել է, որ ընթացիկ դեֆիցիտը նախորդ տարվա համեմատ նվազել է շուրջ 28մլրդ դոլար, ինֆլացիան կազմել է 6.2 տոկոս, որը վերջին 44 տարվա մեջ ամենացածր մակարդակն է: Բացի այդ արձանագրվել է վերջին 11 տարվա գործազրկության ամենացածր մակարդակը (16 տոկոս): Այժմ աղքատության մակարդակը երկրում կազմում է 16 տոկոս:

Թուրքիայի Էկոնոմիկայի նախարար Զաֆեր Չաղլայանն էլ նշել է, որ թուրքական տնտեսությունն այսուհետև ևս պիտի փորձի պահպանել զարգացման արագ տեմպը: Նպատակ կա 2023-ին Թուրքիայի տնտեսական աճը հասցնել 10 տոկոսի, իսկ ՀՆԱ-ն` 2 տրլն դոլարի:

Ermenihaber.am