Ստամբուլում բնական գազի պաշարներ է «հայտնաբերվել»

Տարածաշրջան15:11, 01 Ապրիլ 2013

Ստամբուլում բնական գազի պաշարներ է «հայտնաբերվել»

Թուրքական «Փոսթա» թերթը անդրադարձել է այսօր թուրքական մեկ այլ լրատվականի` «Անադոլու աժանսը»-ի` Ստամբուլի Թաքսիմ հրապարակում կատարված աշխատանքների ժամանակ հայտնաբերված գազի մեծ պաշարների մասին հոդվածին: Հոդվածն ուներ հետևյալ բովանդակությունը.

Ստամբուլի Թաքսիմ հրապարակում կատարվող շինարարական աշխատանքների ժամանակ պաjթյուն է տեղի ուեցել, ինչն այնուհետև կրակի է վերածվել: Շինարարները, մտածելով, որ գազի խողովակ են վնասել, ահազանգել են հրշեջ և գազի ծառայություններ: Վերջիններիս գալուց հետո պարզվել է, որ այդտեղ ընդհանրապես գազի խողովակ չկա, և նրանք, ամենայն հավանականությանբ, գազի պաշարների են հանդիպել: Հրավիրված օտարերկրյա մասնագետների ուսումնասիրության արդյունքում պարզվել է, որ այդտեղ բնական գազի մեծ պաշարներ կա, իսկ մասնագետների խմբի մեջ եղած ճապոնացի գիտնական Իչի Նիսսանը (İchi Nissan) հայտարարել է, որ նախնական հաշվարկով այդ պաշարները 38 միլիարդ խմ են և դրանք կբավարարեն Ստամբուլի առաջիկա 10 տարվա էներգետիկ պահանջները:

Թերթը, ուշադրություն է հրավիրելով այն հանգամանքին, որ «İchi»-ն ճապոներեն նշանակում է մեկ, իսկ «Nissan»-նն էլ թուրքերեն ապրիլ բառին է համապատասխանում, բացահայտում է, որ այդ հոդվածը ընդամենը ապրիլմեկյան կատակ է:

Ավելացնենք նաև, որ մինչև հոդվածի կատակ լինելու հանգամանքի բացահայտվելը, այն լրջորեն է ընդունվել թուրքական, ինչպես նաև ոչ թուրքական լրատվամիջոցների կողմից:

Ermenihaber.am