Օջալանի հետ բանակցություններում Անկարայի դիրքերն ամուր չեն

Տարածաշրջան07:44, 01 Ապրիլ 2013

Օջալանի հետ բանակցություններում Անկարայի դիրքերն ամուր չեն

Թուրքական «Վաթան» պարբերականը գաղտանզերծել է իշխող «Արդարություն և զարգացում կուսակցության» (ԱԶԿ-AKP) կողմից պատվիրված սոցհարցման չբացահայտված արդյունքները: Սոցհարցումը վերաբերել է քրդական հարցի շուրջ սկսված բանակցություններին: Ինշպես հայտնում է «Վաթանը», մեկ շաբաթ առաջ միջերկարածովյան շրջանի կուսակցական պատգամավորների հետ հանդիպման ժամանակ վարչապետ Ռեջեփ Թայիփ Էրդողանը տեղեկացրել էր, որ սոցհարցման արդյունքների համաձայն, Թուրքիայի բնակչության 58 տոկոսը աջակցում է ԱԶԿ-ի` քրդական հարցում որդեգրած քաղաքականությանը:

Էրդողանը, սակայն, ներկայացրել էր միայն մեկ հարցը, որը սոցհարցման մեջ ձևակերպված էր հետևյալ կերպ. «Բանակցային գործընթացում ինչպե՞ս եք գնահատում ԱԶԿ-ի քաղաքականությունը», որին հարցվածների 58 տոկոսը դրական պատասխան է տվել` հայտնելով իր աջակցությունը: Հետագայում պարզվել էր, որ Էրդողանը և ԱԶԿ ղեկավարությունը «Ինչպե՞ս եք վերաբերում, որ բանակցությունները վարում են Աբդուլահ Օջալանի հետ» հարցի մասին չէին բարձրաձայնել: Ըստ պարբեականի` հարցվածների ճնշող մեծամասնությունը դեմ է արտահատվել «Քուրդիստանի բանվորական կուսացության» առաջնորդ Օջալանի հետ բանակցություններ վարելուն: Այս հարցում միայն 30 տոկոսն էին իրենց աջակցությունը հայտնել ԱԶԿ-ին:

Ermenihaber.am