Բահչելի. Առաջարկում ենք Էրդողանին ահաբեկիչներին խառնվելով դուրս գալ Թուրքիայից` չվերադառնալու պայմանով

Քաղաքական09:56, 02 Ապրիլ 2013

Բահչելի. Առաջարկում ենք Էրդողանին ահաբեկիչներին խառնվելով դուրս գալ Թուրքիայից` չվերադառնալու պայմանով

Թուրքիայում շարունակվում են քրդական հարցի շուրջ քննարկումները: «Քուրդիստանի բանվորական կուսակցության» առաջնորդ Աբդուլլահ Օջալանի հետ տարվող բանակցությունները և հետագա զարգացումները ևս մեկ անգամ հնարավորություն տվեցին Թուրքիայի ընդդիմադիր գլխավոր ուժերին` «ժողովրդահանրապտական» (ԺՀԿ-CHP) և «Ազգայանական շարժում» (ԱՇԿ-MHP) կուսակցություններին, քննադատել իշխող «Արդարություն և զարգացում կուսակցությանը» (ԱԶԿ-AKP) և հատկապես նրա առաջնորդ, թուրքական կառավարության ղեկավար Ռեջեփ Թայիփ Էրդողանին:

Թուրքական «Հաբեր ա» լրատվական կայքը ներկայացնում է «ԱՇԿ»-ի ղեկավար Դևլեթ Բահչելիի վերջին մեկնաբանությունները և Էրդողանին արված առաջարկները: Բահչելին նշել է, որ էրդողանը պետք է պարզաբանի` արդյոք քրդական ինքնավարության կամ առանձին նահանգի ձևավորումից հետո Քուրդիստանի վերաբերյալ որևէ խոստում տվել է, թե ոչ: Այնուհետև ազգայնականների առաջնորդը, հստակեցնելով իր տեսակետը, որ զինյալները զենքերն անվտանգության ուժերին հանձնելուց հետո պետք է դատարանին հանձնվեն, համարել է, որ դա կլինի միակ ճշմարիտ տարբերակը: Իսկ վարչապետ Էրդողանին հետևյալ առաջարկն է արել. «Առաջարկում ենք Էրդողանին, որ ահաբեկիչներին խառնվելով դուրս գա սահմանից` չվերադառնալու պայմանով»:

Ermenihaber.am