Թուրք կին գործարարներն արտահայտվել են հայ-թուրքական սահմանի բացման օգտին

Տնտեսական14:01, 08 Ապրիլ 2013

Թուրք կին գործարարներն արտահայտվել են հայ-թուրքական սահմանի բացման օգտին

Այսօր Երևանում մեկնարկած հայ և թուրք գործարարների ֆորումին մասնակցող Թուրքիայի արևելյան և հարավարևելյան գործարար կանանց «Դոքունքադ» միության նախագահ Նևին Իլն իր խոսքում կարևորել է հայ-թուրքական սահմանի բացումը առևտրի խթանման նպատակով: Նա իր խոսքում մասնավորապես ասել է. «Հայաստանն ու Թուրքիան հարևաններ են և շատ ընդհանուր բաներ ունեն: Մեր կարծիքով առևտրային երկկողմ համագործակցությունը կարող է հաջաղակ լինել:Թուրքիայի և Հայաստանի միջև առևտրային ու բարիդրացիական հարաբերությունների ստեղծման հարցում շատ կարևոր է սահմանի բացումը»:

Նրա խոսքով փակ սահմանի պայմաններում երկու երկրների միջև առևտրային հարաբերությունների զարգացմանը շատ դժվարանում է. «Մեր կարծիքով այդ դժվարությունները հաղթաահարելի են, իսկ առևտրի ոլորտներն անսահմանափակ են:Ես կարծում են, որ առևտրի զարգացումը կմոտեցնի երկու ժողովուրդներին և կնպաստի սահմանի բացմանը»:

Դիարբեքիրի առևտրի և արդյունաբերության պալատի նախագահ Դիյաեդին Գեզերն իր հերթին նշեց, որ երկկողմանի կապերի զարգացման համար անխուսափելի է Հայաստան-Թուրքիա երկաթգծի վերագործարկումը:

Նրա խոսքով իրենք իրենց ջանքրն են ներդնում երկաթուղու բացման համար և այդ խնդրով արդեն դիմել են Թուրքիայի վարչապետին ու նախագահին:

«Մենք վստահ ենք, որ սահմանի բացման պարագայում Հայաստանն իր առևտրի 55-60 %-ը կանի հենց Թուրքիայի հետ»,- ավելացրել է Գեզերը:

Նշենք, որ ֆորումը կազմակերպվել է ԱՄՆ Միջազգային Զարգացման Գործակալության (EDMC/USAID) հայաստանյան առաքելության և «Կանանց ֆորում» հկ-ի կողմից:

Ermenihaber.am