Թուրքիայի ռազմարդյունաբերությունը ծավալները մեծանում են

Տարածաշրջան08:30, 08 Ապրիլ 2013

Թուրքիայի ռազմարդյունաբերությունը ծավալները մեծանում են

Թուրքիայի ռազմարդյունաբերությունը մեծացնում է արտահամման ծավալները: Այս մասին հայտնում է թուրքական «Հաբեր ա» լրատվական կայքը: Թուրքիայի ռազմարդյունաբերության արտահաման միության նախագահ Լաթիֆ Արալ Ալիշը տեղեկացրել է, որ այս տարի արտահանման չափը 1.5 միլիարդ դոլլար է սահմանվել:

Ալիշը նշել է, որ վերջին տարիներին ռազմարդյունաբերության արտահանումը օրինաչափ աճ է գրանցել: Այսպես, օրինակ` 2008-2010թթ. արտահանումը կազմել է 600 մլն դոլլար, 2011-ին` 800 մլն դոլար, իսկ 2012-ին` 1.3 միլիարդ դոլար: Իսկ 2013 թվականի առաջին 2 ամվա հաշվեկշիռը անցյալ տարվա նույն ժամանակվահատվածի համեմատ 33 տոկոս աճ է գրանցել` կազմելով 164 մլն դոլար:

Ալիշը նաև անդրադարձել է Միջին Ասիայի և հեռավոր Արևելքի հետ եղած առևտրաշրջանառությունն ավելացնելու և Աֆրիկայի առաջնակարգ շուկաներ մուտք գործելու ակնկալիքներին:

«2013 թվականի և հետագա տարիների նպատակներն իրագործելու համար ակտիվորեն աշխատելու ենք: Այժմ հասել ենք մի կարևոր հանգրվանի, երբ արտահանող երկրներ կարողանում ենք արտահանում կատարել: Օրինակ` 2012 թվականի արտահանման 39 տոկոսը ԱՄՆ-ն ենք ուղարկել, որը աշխարհի թիվ մեկ ռազմարդյունաբերող և արտահանող երկիրն է»-եզրափակել է Լաթիֆ Արալ Ալիշը:

Ermenihaber.am