Քուրդ գրոհայինները դեռ չեն լքում Թուրքիան

Տարածաշրջան12:47, 08 Ապրիլ 2013

Քուրդ գրոհայինները դեռ չեն լքում Թուրքիան

Թուրքական լրատվամիջոցները, վկայակոչելով քրդական «Խաղաղություն և ժողովրդավարություն կուսակցության» (ԽԺԿ-BDP) նախագահ Սելահեթթին Դեմիրթաշին, տեղեկացնում են, որ «Քուրդիսատանի բանվորական կուսակցության» (ՔԲԿ-PKK) անդամների նահանջի մասին մամուլում տեղ գտած լուրերն իրականությանը չեն համապատասխանում:

Դեմիրթաշը նշելով, որ ՔԲԿ-ն անհանգստացած է Թուրքիայի կառավարության կիրառած ոճից, ասել է.«Այս պահի դրությամբ զինադադար է հայտարարված: Նահանջելու և այն ի կատար ածելու հարցում դեռևս որևէ որոշում չի կայացվել: Փորձում ենք հասկանալ գործընթացի հետ կապված նրանց (ՔԲԿ-ի) մտահոգությունները: Ի վերջո բոլոր ռազմական ուժերի տեղակայման հարցերն իրենք են որոշելու: Այս հարցում կառավարության կողմից պարզ մոտեցման բացակայության, երաշխիքի ապահովման հարցում անվճռականության պատճառով նրանք մտահոգված են: Մենք այս ամենը հասկանում ենք և փորձում լուծման ելքեր գտնել, սակայն այս ամենը միայն մեզնով չի սահամանաակվում: Այս վճռորոշ գործընթացում շատ կարևոր են Ռեջեփ Թայիփ Էրդողանի ուղերձները»:

Ermenihaber.am