Թուրքիա. ևս մեկ կրանական արարողություն կանցկացվի նաև քրդերենով

Տարածաշրջան19:51, 12 Ապրիլ 2013

Թուրքիա. ևս մեկ կրանական արարողություն կանցկացվի նաև քրդերենով

Թուրքիայի փոխվարչապետ Բեքիր Բոզդաղը պատասխանել է Թուրքիայում գործող Քրդական Խաղաղություն և ժողովրդավարություն կուսակցության պատգամավոր Ալթան Թանի գրավոր առաջարկությանը` կապված կրոնական արարողություններում քրդերեն լեզվի կիրառման հետ:

Փոխվարչապետը հայտնել է, որ սալայի ժամանակ, որը կատարվում է ուրբաթօրյա հութբեից կամ նամազից առաջ, մահմեդականներին աղոթքի կոչելու և մահացածների մասին հայտարարելու համար, կարող է կիրառվել քրդերեն լեզուն:

Ինչպես հայտնում է Թուրքական «Էն Թի Վի» լրատվականը, փոխվարչապետն ասել է, որ այդ մասին դեռևս 2007 թվականին կրոնական գործերի նախարարությունը շրջաբերական էր տարածել:

Բեքիր Բոզդաղը շեշտելով որ կրոնական գործերի նախարարությունը դուրս է ամեն տեսակի քաղաքական հայացքներից ասել է. «Մահացածների մասին հայտարարությունները պատք է կատարվի տվյալ տարածաշրջանում ապրող բնակչության մեջ խոսվող լեզվով: Դա ևս մի քայլ է, որը կնպաստի մեր հայրենակիցնեի մեջ համերաշխության ու եղբայրության մթնոլորտի ստեղծմանը»:

Նշենք, որ վերջերս էլ Թուրքիայի վարչապետ Ռեջեփ Թայիփ Էրդողանը թույլ էր տվել մզկիթներում քրդերեն լեզվով հութբե (ուրբաթօրյա աղոթք) և քարոզ կարդալ:

Ermenihaber.am