Քուրդ զինյալներն այժմ Թուրքիայից դուրս գալու միտք չունեն

Տարածաշրջան06:07, 14 Ապրիլ 2013

Քուրդ զինյալներն այժմ Թուրքիայից դուրս գալու միտք չունեն

«Քուրդիստանի բանվորական կուսակցության» (ՔԲԿ-PKK) բարձրագույն ղեկավարներից Դուրան Քալքանը մի քրդական հեռուստաալիքին տված հարցազրույցում, անդրադառնալով քուրդ զինյալների` Թուրքիայի տարածքը լքելու խնդրին, ասել է. «Այս պահին Թուրքիայի տարածքից դուրս գալու մասին խոսք լինել չի կարող: Ընդհակառակը Իրաքում գտնվող պարտիզաններն են ուզում մտնել Թուրքիա»:

Ինչպես նշում է թուրքական «Աքշամ» թերթը, Քալքանը, ասելով, որ առայժմ հարցի լուծման որևէ սցենար վերջնական հավանության չի արժանացել, նշել է ՔԲԿ-ի զինված ջոկատներն Թուրքիայից դուրս գալու մասին իրենց կողմից որևէ ցուցում չի տրվել, և բոլոր զինյալները նախկինի պես գտնվում են իրենց տեղերում, սակայն զինված գործողություններ չեն իրականցնում:

Անդրադառնալով զինյալների տարհանման համար անհրաժեշտ պայմաններին` Քալքանն ասել է «Այս հարցում Թուրքիան պետք է կոնկրետ քայլեր ձեռնարկի, այլապես պարտիզաններ դուրսբերում շատ դժվար կլինի: Այդ գործը սկսելու և հաջողությամբ ավարտելու համար անհրաժեշտ պայման է նաև, որ Ափոն (Աբդուլլահ Օջալան) անձամբ դիմի պարտիզաններին:Ոզում եմ `բոլորն իմանան, որ մենք սա չենք ասում որևէ բան ասելու, վախեցնելու կամ շանտաժ անելու համար»:

Ermenihaber.am